Áskorun !
Félagmenn Þyts gefið kost á ykkur til félags og stjórnarstarfa núna.
Sagan um Litlu gulu hænuna. Gagnast félaginu ekki.
Ekki benda á mig ég er búin að gera mitt fyrir félagið. Gagnast félaginu ekki heldur.
Áður í sögu félagsins hefur það komið fyrir að á aðalfundi þyts hafi mætt of fáir félagsmenn og þá verið boða til framhaldsaðalfundar og ný stjórn kjörin.
það er ekki vandamál félagsins að boða til framhaldsaðalfundar, enda er á þeim fundi ekki tekið tillit til hve margir mæta, fundurinn verður alltaf löglegur.

Vandamálið er að fá félagsmenn til að gefa kost á sér til stjórnarstarfa. Vandamálið er að þrátt fyrir mikla leit hefur enginn félagsmaður fundist sem tilbúinn er til stjórnarsetu.

Félagar ef þið hafið áhuga á að félagið starfi áfram þá er bara eitt að gera, gefið kost á ykkur sjálfum. Ekki ætlast til að einhverjir aðrir geri hlutina fyrir ykkur.

Það er gott að félagsmenn Þyts tjá sig um vandamálið t.d. á fréttavef flugmódelmanna. Tali sig saman um hverjir eigi gott með að starfa saman og gefi kost á sér til kjörs á framhaldsaðalfundi þyts.

Nóg er um að velja því öll stjórnar og nefndarstörf hjá flugmódelfélaginu þyt eru laus.

Formaður þyts laus staða, búinn að starfa í stjórn í tvö ár.
Ritari laus staða, búinn að starfa í stjórn í tvö ár.
Gjaldkeri laus staða, gaf eingöngu kost á sér til eins árs.
Meðstjórnandi laus staða, búinn að starfa í stjórn í tvö ár.
Mótanefndum fimm til sex stöður.
Flugvallarnefnd (hús og slátturmál) fjórar stöður.
Nýliðanefnd ein staða.
Ritnefnd tvær stöður.
Öryggisnefnd tvær stöður.
Rafstöðvar nefnd. tvær stöður.

Til Félagsmanna flugmódelfélagsins þyts.

Á stjórnar fundi þyts haldinn 25. nóvember 2006 var samþykkt eftirfarandi.

Fram að næsta stjórnarfundi þyts sem ákveðið var að halda í janúar 2007, verður reynt til þrautar að fá félagsmenn til að taka að sér stjórnarstörf.

Núverandi stjórn þyts mun hafa eftirlit með eigum þyts á Hamranesi og flugsvæðið verður að sjálfsögðu opið, en að öðru leiti mun stjórnin ekki standa fyrir neinskonar félagsstarfsemi í vetur.

Engir mánaðarlegir félagsfundir verða haldnir í vetur á vegum þyts fyrr en í fyrsta lagi í mars 2007 og þá einungis ef tekst að manna nýja stjórn þyts á framhaldsaðalfundi þyts, sem væntanlega verður haldinn í febrúarmánuði 2007.

Auglýsir stjórn þyts eftir áhugasömum félagsmönnum sem tilbúnir eru að taka að sér stjórnar eða nefndarstörf á vegum félagsins.

Laus stjórnarembætti hjá flugmódelfélaginu þyt eru:

Formaður, ritari, gjaldkeri og meðstjórnandi.

Einnig vantar mannskap í eftirtaldar nefndir félagsins:

Mótanefndir, öryggisnefnd, flugvallarnefnd og húsnefnd.

Einnig hvetjum við félagsmenn að tala sig saman og til dæmis að mynda hóp sem gæti hugsað sér að starfa saman að stjórnarstöfum.

Áhugasamir félagsmenn þyts vinsamlegast sendið tölvupóst til formanns þyts, fyrir næsta stjórnarfund þyts sem haldinn verður í janúar 2007: bodvar@simnet.is

Ef einsýnt þykir að ekki tekst að manna stjórnar og nefndarstörf félagsins, mun stjórn þyts boða til framhalds aðalfundar samkvæmt 16.grein í lögum þyts sem fjallar um félagsslit.

Stjórn flugmódelfélagsins þyts.